XX. mendeko Euskararen Corpus estatistikoa

Testuingurua

Kondaira garai zabaletan zatitzen badugu ere, garai horiek ez dira inoiz bata bestearekiko hitsiak, organizismoak uste zezakeen bezala (Spengler).

Are gutiago oraindik garai zabaletan ez baina urte batzuk bakarrik hartzen baldin baditugu.

Horregatik galde daiteke: Barth, Bultmann eta Tillichen teologiak sortarazi zituen egoera eta tradizioa zeharo iraganekoak diren edo, neurri handi batetan, gaurregun ere ba diraute?.

Zenbateraino determinatzen dute gaurreguneko egoera bi mundugudateak eta hauek erakarri zituen tradizioak?.

Bi mundugudateen eraginez mendebaldean sortutako etsipenari aurrerapide teknikoarekiko sinesmenak jarraitu dio.

Bainan ez du lortu etsipenaren eragina zeharo itzaltzerik.

Uste dudanez Tillichek bere garaiko gugandik hain urruti ez dagoen bere garaiko gizonari buruz esandakoak gaurregun ere neurri handi batetan balio dute.

Agerian hain optimista eta kondairaren etorkizun positibu zihurrean hain uste sendoa duten mogimendu asko etsipena alderantziz jarrita ez ote diren nago; utopia ta milenarismoa gaurko ezker-radikal mogimenduetan hain ugari azaltzen diren bi elementu etsipen radikalaren eragimen zuzenarenpean ez ote dauden.

Eta honen alternatiba bezala etsipena bera gelditzen da, maskararik gabe: kondairaren erlatibutasuna azpimarkatuaz, demokraziaren erlatibutasunaz mintzatuaz, sozialismoari giza-mugak jarriaz, etab.

Eta teologia Euskal Herrian ere

Joera hauek Euskal Herrian ageri diren ala ez aztertu beharko litzake, eta ageri baldin badira, zein neurri eta itxuratan azaltzen diren.

Bi mundugudateak ez bizi izan arren etsipenerako arrazoirik ba dago, hogeitahamaseiko gudatea (26) Ba daude etsipenerako beste arrazoi batzuek ere: euskeraren atzerakada, batasunik eza, iraupenaren (ez iraupenaren) beldurra, etab..